சின்னதாய் பூ பூக்கும் சோலையில்
சிறு குழந்தையாய் விளையாடும் என் மனசு
லேசான வெயிலில் மர நிழலில் இளைப்பார
வாயாட நண்பர் கூட்டம்
பொழுது ஏறி வெப்பம் ஏற
பன்னீரென தண்ணீரில் ஆட்டம்
வேப்பங்காத்து தலை உலர்த்த
சுகமாய் சாய்ந்தபடி ஆயா கையிலிருந்து
தயிர் சாதம்
நீஞ்சிய சுகம் போக நித்திரை
மாலை பொழுதில் மயில் தோகை போல்
ஒரு சங்கீதம். புல்லாங்குழலின் வருடல்.
ஆழ்ந்து அங்கே கரைகின்ற தவம்
பேச்சே தேவையில்லாத நித்திய சுகம்.
இது சுகம் சுகம் சுகம்.
